Fasteignasalan Miðborg kynnir Haukanes 20 í Arnarnesi í Garðabæ, 119,1 fm neðri sérhæð í tvíbýli ásamt 30,2 fm. bílskúr á sjávarlóð sem er 1.467 fm. eignarlóð.  Heildar séreignarfermetrar eru því skráðir 149,3 fm. hjá Þjóðskrá Íslands.
Um er að ræða 3ja herbergja neðri sérhæð ásamt bílskúr í tvíbýli á þessum einstaka stað við sjóinn.  

Nánari lýsing:  Komið er á flísalagða forstofu með fataskáp.  Af henni er parketlagt svefnherbergi, sem einnig er gengið í af holi/gangi íbúðarinnar sjálfrar.  Af forstofu er parketlagt hol/stofa með niðurlímdu parketi.   Samliggjandi er borðstofa/skáli með flísum á gólfi og útgangi í garðinn á hellulagða suður- og vestur verönd.  Allt þetta rými er bjart og með góðum gluggum og fallegu sjávarútsýni. Eldhús er með parketi og flísum á gólfi, IKEA innréttingu, helluborði, ofni og háfi.  Gluggi við loft.  Innaf eldhúsi er flísalagt þvottahús með hillum og skápum.  Hjónaherbergið er parketlagt og með skápum.  Hiti í gólfi (rafmagn).  Baðherbergið er flísalagt með vegghengdu wc, innrétttingu og sturtuklefa.  Hiti í gólfi (rafmagn).  Baðherbergið er gluggalaust en loftræst með viftu.

Bílskúrinn er með flísum á gólfi gönguhurð og opnara á bílskúrshurð, vatn, hiti og rafmagn.  Sturta í bílskúr og góðir gluggar.  Hleðsla fyrir rafmagnsbíla í bílskúr.  Innaf bílskúr er lítið vinnuherbergi/geymsla með hillum og vinnuborði.  Austur-verönd við hlið bílskúrsins.  Fyrir aftan bílskúrinn er óskipt  áhaldageymsla úr timbri, sem ekki er inni í skráðum séreignar-fermetrafjölda eignarinnar.

Skipt var um gler í stofu fyrir ca. 5-7 árum og gler og pósta í svefnherbergjum.
Þakjárn og þakkantur á húsinu var endurnýjað fyrir ca. 10 árum.
Hiti er sameiginlegur og á neðri hæðin 40% hússins skv. eignaskiptasamningi.
Skv. eignaskiptasamningi er lóðinni skipt, þannig að neðri hæðin hefur sérafnotarétt af lóðinni sjávarmegin, en efri hæðin af lóðinni að götunni.

Einstök staðsetning við sjóinn í rólegri og fallegri götu á Arnarnesinu.

Fasteignamat eignarinnar 2024 er kr. 110.150.000,-

Nánari upplýsingar veitir Björn Þorri Viktorsson hrl. og lögg. fasteignasali, í síma 894-7070 eða [email protected].